خوفك المستمر من التجمعات وإحساسك بالقلق وعدم الراحة مش طبيعي
قلقك المستمر من حكم الغير عليك مش طبيعي
عدم رغبتك في حضور مناسبات مش طبيعي
خوفك من المواقف اللي بتكون مركز اهتمام من الغير مش طبيعي
ممكن يكون القلق طبيعي في بعض المواقف لو متحولش لدرجة إنك مش عارف تتأقلم وتتكيف مع بيئتك الاجتماعية اللي إنت موجود فيها سواء على مستوى الأسرة أو حضور المناسبات
لأنك ممكن تكون مصاب بمرض الرهاب الاجتماعي ومش عارف
القلق عند مرضى الرهاب الاجتماعي- المعروف باضطراب القلق الاجتماعي- بيكون عشان احساسهم أن أدائهم أقل من التوقعات وبيحسوا بالحرج أو الرفض، أو القلق من إنهم يفقدوا سلسة أفكارهم أو لأنهم مش هيقدروا يلاقوا كلمات عشان يعبروا عن نفسهم
أعراض مرض الرهاب الاجتماعي:
العرق الشديد
الخوف من مقابلة أشخاص جديدة
اضطراب المعدة والشعور بالغثيان
سرعة ضربات القلب
صعوبة التقاط الأنفاس
خوف وقلق من التعرض لبعض المواقف الاجتماعية أو الأداء الاجتماعي
خوف من الأفعال العلنية قدام غيرك زي القراءة أو العزف على آلة موسيقية
